Џејмисон не може да биде продуктивен како во минатото но сепак треба да има во просек по 10 поени и 5 скокови по натпревар што би било повеќе од одлично за Лејкерси. Минатата година најдобра резерва беше Барнс кој постигнуваше во просек по 7.2 поени по натпревар, па така да не е за изненадување што челниците на тимот не се задоволни и од него, и оваа година тој 6-ти играч од клупата ќе биде Џејмисон, секако во зависност од потребите на паркетот. Иако за време на целата своја кариера е сметан за исклучително слаб дефанзивен играч, сепак земајќи предвид дека се очекува Лејкерси годинава да играа брза кошарка со доаѓањето на Стив Неш, Џејмисон кој е познат како солиден шутер како од пост така од дистанца може и тоа како да ги користи чистите отворени позиции кои ќе му ги овозможи Неш со своите пробиви и асистенции. Во одбраната ќе има многу проблеми во справувањето со играчи како Дурант, Џејмс. Кевин Лав и Блејк Грифин но вети дека ќе стори се што може да се подобри во одбраната и да не биде таа слаба алка во тимот.
“Ја разбирам својата улога во тимот и значењето кое го има одбраната за освојување на титулата. Секако дека сум се подобрил во дефанзивата, знам како да се поставам во подобра позиција, да бидем поцврст, посигурен и постабилен. Не сум мек како на почетокот на мојата кариера. Можам само едно да ветам, а тоа е дека ќе давам се од себе како во нападот така и во одбраната со цел да му помогнам на тиммот.”-изјави Џејмисон.
Со специјалист за одбрана како Мајк Браун за очекување е Џејмисон а и целиот тим на Лејкерси како првата петорка така и клупата (која мора да се напомене дека беше солидна во одбраната минатата сезона и беше според статистиката високо рангирана) да се унапредат во дефанзивата. Џејмисон и Браун се знаат прилично добро со оглед на тоа дека Џејмисон беше дел до првата петорка на Браун кога тој беше тренер на Кливленд во времето на Леброн Џејмс (2009/2010), па затоа и Џејмисон изјави дека знае што може да очекува од Браун.
“Браун внимава на секој детал, секоја ситница и затоа е добар тренер. Сум имал преку 10 тренери во мојата кариера но немам сретнато ниту еден тренер кој толку многу внимание посветува на секоја ситница и секкој детал, кој на сите им изгледа беззначаен. Совршено го подготвува тимот за секој натпревар, секогаш е спремен за секоја ситуација, секое можно сценарио го предвидува и наоѓа решение. Шансата која ми се пружа тука, а тоа е да се освои титула, како и тоа што го имам Браун како тренер се причините поради кои одбив побогати понуди од другите тимови и дојдов мво Лејкерси за минимум плата која ми следува како ветеран.”-изјави Џејмисон.
Со оглед на тоа со каков ростер располагаат Езерџиите оваа сезона и тоа каква шанса за титула има Џејмисон.
0 comments:
Post a Comment