Мајами ја почнува сезоната со победа, Лејкерси со пораз

Со 3 натпревари е обележан почетокот на новата сезона во НБА лигата. Во дербито на вечерта, актуелниот првак Мајами славеше над најтрофејниот тим во лигата Бостон со резултат од 120:107.

Пред натпреварот Мајами ги доби своите шампионски прстени, а конечно ЛеБрон Џејмс можеше на раката да го стави толку посакуваниот прстен. На кровот на Американ Еарлајнс Арената е подигнато шампионското знаме, второ во историјата на клубот.

Двобојот беше неизвесен. Тимот на Хит доминираше од почетокот, а тимот го предводеа трите најголеми ѕвезди. Но, на нив им се приклучи и ветеранот Реј Ален кој официјалното го имаше против дебито својот поранешен тим - Бостон. Поранешните соиграчи ладно се поздравија, а Ален им даде 19 поени. Двејн Вејд беше најдобар со 29 поени, ЛеБрон Џејмс додаде 26 со 10 скока, а Крис Бош имаше 19 со исто толку скокови како ЛеБрон.

Кај Бостон Пол Пирс имаше 23 поени, Рондо се истакна со 20 поени, 13 асистенции и 7 скока. Леандро Барбоса во дебито имаше 16 поени, а Брендон Бас 15 поени и 11 скока.

Како што во претсезоната Лејкерси имаа 8/8 порази, така ја почнаа и новата сезона со пораз. Во својот Стејплс Центар загубија со 91-99 од Далас, кој играше без повредениот Дирк Новицки.

Мавси ги упропастија двете нови ѕвезди на Лејкерси, Двајт Хауард и Стив Неш. Притоа Хауард имаше дабл-дабл учинок со 19 поени и 10 скока, но промаши и 11 од 14 слободни фрлања. Неш додаде само 7 поени и 4 асистенции со шут од игра 3-9, а прва ѕвезда на Лејкерси беше Пау Гасол со 23 поени 13 скока и 6 асистенции. Гостите имаа 6 играчи со +10 поени, а беа предводени од Дарен Колисон со 17 и Брендан Рајт со 14 поени.

Во првиот натпревар од новата сезона кој започна во 00:00 синоќа, Кливленд го совлада Вашингтон со 94-84, во натпревар кој го обележа Андерсон Варежо. Бразилецот даде 9 поени, но собра дури 23 скока и 9 асистенции. Го собори својот личен рекорд, а само два скока му недостасуваа до клупскиот рекорд кој од 1972 година кој го држи Рик Робертсон. Кајри Ирвинг за Кавси постгина 29 поени, рукито Дион Војтрес додаде 17, додека кај гостите најефикасен беше Џордан Крофорд.