Дејвид Робинсон - Среќен Роденден

На овој ден пред точно 47 години е роден еден од најдобрите центри во историјата на НБА лигата - Дејвид Робинсон.

Во лигата влезе како 1 пик на драфтот од 1989 година избран од Сан Антонио Спарси.Никогаш не замина во друг тим.Играше со лојалност, верност за својот тим.Уште во првата година не разочара и ја доби наградата за Дебитант на Годината во НБА лигата.Исто така играше и на ол старот.

Дејвид важи за еден од најдобрите дефанзивци кој играле во НБА лигата.Избран е 4 пати во првиот дефанзивен тим и 4 пати во вториот дефанзивен тим на лигата.Исто така во 1992 година ја доби наградата за најдобар дефанзивец на лигата.

На 24 април 1994 година постави рекорд по постигнати поени во натпревар - 71.9ти е на листата по постигнати поени во натпревар зад Вилт Чамберлеин, Коби Брајант, Дејвид Томпсон и Елгин Бејлор

Во 1995 година во рацете на Дејвид Робинсон доаѓа и титулата за најдобар играч на сезоната МВП со просеци од 25 поени, 12 скока и 2 асистенции по натпревар.

Исто така е и еден од ретките кој направиле “Quadruple-double“, а тој има направено само еднаш.34 поени, 10 скока, 10 асистенции и 10 блока.

Во 1997 со пристигнувањето на Тим Данкан во Спарси и во лигата заедно одат кон нов почеток кон нов поход кон титулата откако по освојувањата на Џордан (6 пати), Томас (1) и Хакем Олуџавон (2) Робинсон беше онеспособен да ја освои титулата.Конечно во 1999 таа пристигнува во рацете на Тим и Робинсон по победувањето во финалето на Никси предводени од Џон Старкс и Патрик Јуинг со резултат од 4-1.

По 4 години чекање по освојувањето на титулата во 1999 дуото Тим - Дејвид освојува уште една титула и тоа во 2003 година по победата над Њу Џерси Нетс во финалето предводени од Џејсон Кид.Резултатот беше 4-2 во полза на Спарси.Веднаш по освојувањето на таа титула Дејвид решава да стави крај на својата богата кариера која ја завршува со втората титула.

Исто така вредно е да се спомене дека е вклучен во најдобриот тим на сите времиња “Дрим Тимот“ од 92 година во Барселона каде освои злато како и во 1996 година во Атлата резултираше со злато.

Во 2009 година на 11 септември е вклучен во куќата на славните.