Иш Смит продолжува со Орландо Меџик

Генералниот менаџер на Орландо Меџик Роб Хенигeн, денеска соопшти дека Иш Смит, кој беше слободен играч се враќа во тимот. Деталите од договорот на Смит сеуште не се утврдени.

Смит (#10, роден на 7 јули 1988 година во Шарлот, тежок 79 кг, висок 182цм) комбинирано одигра 26 натпревари минатата сезона во Голден Стејт Вориорс и Орландо Меџик и оствари просеци од 2.8 поени, 1.6 асистенции, 1.3 скокови, од просечно поминати 9 минути по натпревар. Тој одигра 6 натпревари за Голден Стејт и оствари просек од 4.5 поени, 1.5 скокови, 1.5 асистенции, од просечно поминати 10.5 минути по натпревар. На 2-ри Фебруари Смит потпиша за Орландо Меџик и во 20-те натпревари оствари просек од 2.3 поени, 1.6 асистенции и 1.3 скокови, од просечно поминати 8.6 минути по натпревар. Смит одигра и еден плеј-оф натпревар каде што забележа само 1 скок и 1 шут, кој сепак му беше блокиран.

Смит двапати водеше во асистенции во тимот од Орландо. Тој ги постигна своите највисоки 7 асистенции во кариерата, како и 3 украдени топки на натпреварот против Детроит Пистонс на 9. април.

На почетокот тој беше слободен играч и потпиша за Хјустон Рокетс на 23. август 2010. Тој во својата кариера има одиграно вкупно 69 НБА натпревари, во тимовите на Хјустон, Мемфис, Голден Стејт и Орландо, и бележеше просек од 2.5 поени, 1.7 асистенции и 1.2 скокови од просечни 9.8 минути по натпревар. Севкупно има одиграно 6 плеј-оф натпревари, каде што постигна 0.7 поени, од просечно поминати 2.5 минути по натпревар. Смит исто така има одиграно 8 натпревари (пет во стартната постава) со Рио Гранде Вејли Вајперс во 2010/11, кои се дел од НБА Д-лигата. Таму неговиот просек беше12.5 поени, 7.9 астистенции, 4.3 скокови, 1.5 украдени топки и 1.25 блокови од просечни 32.9 минути по натпревар.

Смит има севкупно одиграно 121 натпревар (91 во стартната постава) за време на неговата 4-годишна кариера на колеџот Вуејк Форест, каде што бележеше просек од 9.2 поени, 5.1 асистенции, 3.7 скокови и 1.26 украдени топки. Тој е првиот играч во историјата на Вуејк Форест кој постигнал повеќе од 1000 поени (1114) и 600 асистенции (612) за време на неговата тамошна кариера. Смит ја заврши својата кошаркарска кариера во колеџот како втор на листата за асистенции на Демон Диконс.

Tweet