Блејк Грифин цело лето работел на подобрување на неговиот скок шут

Она што сите го знаеме конечно му текна и на Блејк Грифин, а тоа е дека неговиот скок шут е очаен и мора и тоа како да го подобри. Иако е добро познато дека Грифин е одличен забивач (а многумина сметаа дека само тоа знае да го прави) сепак за да биде врвен играч мора да има арсенал од различни оружја, затоа и решил да го подобри својот скок шут. Дури има изнајмено и приватен тренер со кого работи секој ден по неколку часа. 

Едногласни беа критиките дека неговиот скок шут изгледа смешно и аматерски, но после неколкуте недели напорна работа видливи беа подобрувањата, иако дури и тогаш неговиот скок шут не беше ни блиску до тоа како треба да биде. Но тогаш се случи повредата и сиот напредок беше изгубен. Грифин мораше и да ги напушти подготовките на тимот на САД за ОИ и д апомине одреден период на рехабилитација. 

Сепак ако нешто добро излезе од повредата, тоа е дека имаше повеќе време да работи на подобрување на скок шутот. Ќе го чекаме стартот на сезоната за да видиме дали има било какви подобрувања на тоа поле од неговата игра.

Tweet