Олајжувон вели дека Мајами ќе освои 3 титули од 5 шанси

Пред ЛеБрон Џејмс да стане опасен играч во нискиот пост со природна позиција ниско крило, тој одеше на часови за подобрување на пост играта кај Хаким Олајжувон. 

Олајжувон беше импресиониран од ЛеБрон. Беше импресиониран од неговите физички способности, од неговото сфаќање на играта како висок играч.

Додека даваше интервју за „Sun Sentinel“, Олајжувон не избегна да го даде своето сигурно мислење за (шампионската) иднината на Мајами Хит.

“Сега ќе биде многу полесно за Мајами и за ЛеБрон да освојат уште една титула. Притисокот не е веќе на нивниот грб, така да мора да се чувствуваат послободно.“ - изјави Олајжувон.

“Сега дури и целта е поразлична. Веќе не мислат дека треба да им докажат на луѓето дека имаат талент за титула, туку колку доминанти можат да бидат. Колкав белег што ќе се запише во историјата можат да остават. Прашањето за нив е дали може тие да освојат 3 титули од 5 шанси.“ - додаде Олајжувон.

Tweet