Џејлен Роуз призна дека намерно го повредил Брајант

Пензионираниот НБА кошаркар Џејлен Роуз вчера изјави дека намерно го повреди Коби Брајант во НБА финалето во 2000 година.

Роуз зборувше за Грантланд и призна дека во вториот натпревар од финалната сезона во 2000 година, играна помеѓу Лејкерс и Пејсерс намерно ја ставил ногата под Брајант за тој да се повреди при доскокот од шутот. Тоа и се случи, Брајант го повреди глуждот и мораше да го напушти натпреварот по само 9 минути на паркетот.

“Финале 2000 година, Брајант шутира, јас ја кревам раката за да го одбранам тој шут“ - почна Роуз. “Коби доскокнува на мојата нога, го напушта натпреварот и седејќи го догледува. Мислам дека го направив тоа намерно. Не можам да речам дека тоа беше случајност.“ - додаде Роуз.

Во тој натпревар сепак Лејкерси победија 111-104 и ја зголемија предноста на 2-0 во финалето, но затоа не можеа да слават во следниот натпревар, кој го пропушти Брајант, а Пејсерси славеја со 100-91. Сепак повредата не беше сериозна, па Брајант се врати во 4. натпревар во кој Лејкерси по продолжението славеа со 120-118, а Коби постигна 28 поени и докажа дека повредата не оставила трага на него. Лејкерси славеа со конечни 4-2 во серијата и ја освоија титулата, а Брајант и Шек ги освоја своите први прстени.

Роуз додаде дека Брајант му го запамтил тој потеги му се одмаздил во 2006тата година кога Роус играше за Торонто, а Брајант безмилосно го наполни кошот на Торонто и постигна 81 поен.

Tweet