Коби и Пирс приредуваат шоу на домашен терен, но недоволно за победа на нивните тимови

Синоќа се одиграа 7 претсезонски натпревари на програмата, а меѓу НБА тимовите имавме и еден гостин од Европа, Макаби Хаифа.

Сепак, најинтересен натпревар се играше меѓу Бостон Селтикс и Бруклин Нетс, во кој гостите од Бруклин ја забележаа својата трета претсезонска победа и на Бостон им го нанесоа четвртиот пораз. Иако Пол Пирс постигна 29 поени за своите Селтикси, тоа не беше доволно и Бостон изгуби со само 1 поен разлика, 96-97 за Нетси.

Бруклин играше со многу ослаебен состав, без нивните ѕвезди во тимот како Џо Џонсон, Дерон Вилијамс и Брук Лопез. Тимот повторно најде начин да одигра солидно, а беа предводени од одличниот Андре Блеч. За Нетси да победат, Блеч постигна 23 поени и 9 скока, а Мирза Телетовиќ го следеше и одигра исто така солиден натпревар, постигнувајќи 18 поени.

Како што кажавме, кај Селтикс најефикасен беше Пол Пирс со 29 поени, а Џеф Грин и Кортни Ли завршија со 14, односно 13 поени. Ражон Рондо заврши со 5 поени и 11 асистенции.

На западот пак, се играше вториот претсезонски натпревар помеѓу Јута Џез и ЛА Лејкерс. И тука беше шоу предводено од еден човек - откако Коби постигна 31 поен, но Лејкерс повторно не успеваат да победат и сега имаат рекорд од 0-4 во претсезонските натпревари. Џезерите пак, одиграа супериорно и ги уништија Лејкерс со победа од 114-80.

Јута беше предводена од Гордон Хејворд со 13 поени и Ал Џеферсон со 12 поени. Покрај овие двајца, уште 5 играчи имаа над 10 поени во составот на Џез.

Кај Лејкерс, Коби Брајант постигна 31 поени во 29 минути, а ниту еден играч освен Џоди Микс (12 поени) немаше над 9 поени.

Не значи дека овој рекорд од 0-4 на Лејкерс во претсезоната треба да загрижува, но сепак тоа не е добра насока во која тимот влегува во регуларната сезона.

На останатите натпревари:

Атланта 98-102 Индијана

Орландо 86-112 Детроит

Милвоки 94-100 Чикаго

Шарлот 98-120 Оклахома

Макаби Хаифа 81-114 Минесота

Погледнете ги и најдобрите 10 потези од синоќешните натпревари: