Коби вели дека ова најталентираниот тим во кој играл

Низ целата своја кариера, Коби Брајант во ЛА Лејкерс играше со одлични играчи и супериорен талент околу него. Шекил О'Нил, Рик Фокс, Роберт Хори, Гери Пејтон, Карл Мелоун, Ламар Одом, Ендру Бајнам и Пау Гасол. Да не заборавиме, Фил Џексон му беше тренер долго време.

Но, сега Коби Брајант излегува со изјава дека тимот на Лејкерс за наредната 2012/13 сезона е најталентираниот тим во кој што играл. Тоа е тим што ги вклучува Стив Неш, Двајт Хауард, Пау Гасол, Мета Ворлдс Пис, Ентуан Џејмисон и самиот себеси - Коби Брајант.

Ова е сериозен и скап тим. Тим што ќе претендира за титулата. Коби зборуваше на оваа тема со Марк Спирс од „Yahoo Sports“ и еве што изјави:

“Ова е најталентираниот тим за кој што јас сум заиграл. Дали тоа ќе се претвори во шампионска титула, останува да видиме. Но, само хартија, зборуваме за тим составен од дефанзивци на годината, МВП - калибар играчи, Ол-Стар играчи. Зборуваме за тим кој е составен од играчи кои се најдобри на своите позиции.“

Да. Во право си е Коби. Ова е дури и поталентиран тим и од оној на Лејкерс од 2004 година, кога паднаа во големите Финалиња против Детроит Пистонс.

Неш не е толку млад, но е најдобриот pick-and-roll плејмејкер во лигата. Двајт Хауард може да постигне поени и е дефанзивна сила на теренот. Одбраната е клучот за Лејкерс моментално. Коби си е Коби во било кој дел од својат кариера, а разновидноста во играта на Гасол ќе им помогне многу на Лејкерс. Па, останува да видиме дали сето ова ќе биде зачинето со шампионска круна на ЛА Лејкерс на крајот од оваа сезона.