Фил Џексон :“Шансите да се вратам во НБА се еднакви на нула“

Најтрофејниот тренер во историјата на НБА лигата вели дека е малку веројатно да се врати на старата работа.

Познатиот тренер Фил Џексон (67) изјави дека не се чувствува баш најдобро, и дека не се чувствува како излажан затоа што не бил примен во Лејкерси и признава дека шансите за враќање во НБА се мали.

Приказната околу “Зен Мастерот“ и тоа што не доби статус на “Езерџија“ никако да излезе од јавноста. Иако Мајк ДиАнтони веќе собира стаж на својот нов тим, новинарите и натаму се интересираат што чувствува Фил Џексон кон тоа.

“Луѓето мораат да разберат дека со Лејкерси не ни стигнав да договорам услови. Баш поради тоа не направија никаква неправда кон мене. Се е јасно како ден, ДиАнтони е нов тренер. Што се однесува на мене, шансите да се вратам во тренерските води во НБА лигата се многу слаби. Еднакви на нула.“ - појаснува Фил Џексон.

“Лејкерси имаат тежок пат. Избраа одличен тренер, Мајк ДиАнтони. Сега мораат да го фатат возот за новата сезона.“

Tweet