Коби Брајант е лут. Тој е исфрустриран и многу нервозен поради тоа што Лејкерс паднаа на 1-4, по поразот против Јута Џез. Кон Мајк Браун прати убиствен поглед, се искара со судијата Ед Мелој и потоа кога беше прашан од новинарите за овие сомнителни потези, тој рече дека не сака да зборува на таа тема.
Неговиот верен соиграч од ЛА Лејкерс - Двајт Хауард, мисли дека Коби треба малку да "олади". Или да ја тргне настрана таа фрустрација.
“Понекогаш мислам дека како тим не треба да ја покажуваме нашата фрустрација толку многу пред јавноста. Многу новинари ја забележаа таа фрустрација кај мене и кај Коби и мислам дека треба да поработиме да ја задржиме таа нервоза во соблекувалната, затоа што може негативно да влијае на нашите останати соиграчи.“ - изјави Хауард за „ESPNLA“.
“Знам дека Коби беше малку исфрустриран вечерчва. Тој сака да победи како и сите останати во тимот, но треба да не се нервираме и да останаеме фокусирани на задачата. Запомнете: тоа е процес.“ - додаде Двајт Хауард.
Twitter
Facebook
Youtube
0 comments:
Post a Comment