ЛеБрон Џејмс незадоволен: “Јас требаше да ја освојам наградата за дефанзивец на годината“

Се продолжува серијата на бурни реакции на одлуката на НБА лигата да ја додели наградата за дефанзивец на годината, на центарот на Мемфис, Марк Гасол. Еден од најнезадоволните од оваа одлука е суперѕвездата на Мајами Хит, ЛеБрон Џејмс кој втор пат во својата кариера завршува како втор најдобар одбранбен играч.

“Тоа е безвеза. Дефинитивно безвеза. Кој сака да биде втор?!“ - се прашува Џејмс.

Тој забележа вкупно 149 поени и прими 14 гласови за првото место. За разлика од него, Гасол забележа 212 поени и убедливи 30 гласови за првото место.

Најдобриот играч на Мајами, во текот на оваа сезона просечно бележеше рекорд на кариерата од вкупно 6.8 дефанзивни скока, а покрај тоа 1.7 украдени топки и 1 блок по натпревар. Сепак, неговиот дефанзивен допринос не може да се мери со статистиката, бидејќи тој е еден од ретките во лигата, кој може да ги брани сите пет позиции.

“Јас сум единствен дефанзивец во оваа лига. Можам да ги бранам сите пет позиции еднакво и квалитетно на теренот и ја играв најдобрата дефанзивна сезона во кариерата. Не се сеќавам некој да чувал плејмејкер и центар еднакво кваитетно како јас. Сепак, наградата е доделена и тука не можам ништо“ - вели Џејмс.

Tweet