ЛаМаркус Олдриџ: “Не побарав трејд!“

Крилниот центар на Блејзерси, ЛаМаркус Олдриџ ги демантираше сите шпекулации на тема на неговата желба да биде заменет во друг тим. Покрај тоа, 27 - годишниот Олдриџ додаде дека се радува на новите играчи кои стигнаа во тимот, преку драфтот.

“Не побарав трејд. Тоа се невистинти приказни. Едвај чекам да видам кој ќе стигне во тимот во оф-сезоната за да го појачаме тимот“ - нагласи 2.11м високиот крилен кошаркар.

Олдриџ е под 5 - годишен договор вреден 62.5 милиони долари, а има да одработи уште две сезони.

Ол Стар крилниот центар во текот на минатата сезона бележеше одлични бројки. Изигра 74 натпревари и бележеше 21.1 поен, 9.1 скокови и 2.6 асистенции.

Играчот кој две години е член на Ол Стар натпреварот, следната сезона би требало да биде главен играч во тимот заедно со Дејмиан Лилард.

Tweet