Лајонел Холинс си заминува од Мемфис

Договорот на Лајонел Холинс во Мемфис нема да биде продолжен, што значи дека Холинс си заминува од тренерската позиција во Гризлис.

Лајонел Холинс постави рекорд од 196-155 во петте сезони во Мемфис, а врвот со тимот го досигна оваа сезона, кога ги одведе Гризлис до конференциското финале на Западот, по што тимот беше елеминиран со 4-0 од Сан Антонио Спарс.

Пред ова да се случи, Гризлис му дозволија на Холинс да разговара за понуди и со другите тимови, што само ги започна шпекулациите за прекинување на соработката помеѓу двете страни. Холинс ја искажа својата желба дека сака да остане во Мемфис, но тимот сега е спремен да оди понатаму без тренерот кој ги одведе до рекорд од 56-26 минатата сезона. 

Неколку тимови беа заинтересирани за неговите услуги уште пред да излезе од Мемфис, а како најзагреани се покажаа ЛА Клиперс. Холинс наводно би требало да разговара со стручните лица во Ел-Еј, но други шпекулации водат кон тоа дека и Денвер и Бруклин се отвараат како можни дестинации за Холинс.

Што се однесува до Мемфис, тие веќе имаа разговор со поранешниот тренер на Денвер Нагетс, Џорџ Карл.

Tweet