Мејо во Бакс, Пол Милсап нов член на Хокс

По 7 години играње во Јута, Пол Милсап конечно ќе го промени тимот. Кај Мејо тоа не е ништо ново, лани потпиша за Далас, а оваа оф-сезона веднаш го смени тимот.

Пореншниот крилен центар на Јута минатата сезона бележеше 14.6 поени и 7.0 скока по натпревар. Мејо во дресот на Далас постигнуваше 15.3 поени со 4.4 асистенции по меч.

Милсап со тимот на “Јастребите“ ќе потпише 2 - годишен договор вреден 19 милиони долари. Новиот бек на Бакси, О.Џ. Мејо со тимот на “Елените“ ќе стави потпис на 3 - годишен договор вреден 24 милиони долари.

Покрај Пол Милсап, Атланта потпиша и со ДеМар Керол (Јута) на 2 - годишен договор вреден 5 милиони долари.

Tweet