Родман го запознава својот татко по 42 години

Поранешната НБА ѕвезда Денис Родман, го запознал својот биолошки татко по цели 42 години.

Човекот познат како член на легендарната генерација на Чикаго булс предводена од Мајкл Џордан го сретнал првпат својот татко на Филипините, каде беше гостин изминатиов период.

Филандер Родман бил изненаден што Денис прифатил да се сретнат, а иако сакал да му објасни зошто си заминал од САД оставајќи го семејството, успеал само да се ракува и да размени неколку збора со кошаркарскиот ас.

Таткото на Родман веќе неколку децении живее на Филипините, а Денис е само едно од 27 деца од 4 различни сопруги и неколку вонбрачни врски над кои Филандер го признал татковството.

Тој побегнал од семејството на кошаркарот со друга жена додека Денис бил дете и оттогаш го немаше видено својот популарен син.

Tweet