Џејмисон одлучи да потпише со Лејкерси

Ветеранот на НБА лигата, Ентоан Џејмисон се одлучи да им се придружи на Лос Анџелес Лејкерси во потрагата за титулава во која не успеа да ја освои овие 14 години додека е во лигата.

Џејмисон за Лејкерси ќе потпише едногодишен договор, чиј изнонс ќе биде минимален 1,35 милиони евра.Минатата сезона Џејмисон во Кавси заработи 15 милиони долари (вкупно 140 во кариерата), така да парите сега не му се приоритет и сега гледа само кон титулата.

Лејкерси го донесоја Стив Неш во своите редови и тоа веројатно беше клучно во доаѓањето на Џејмисон во тимот.Сеуште не се знае со кој тим ќе настапат Лејкерси во следната сезона бидејќи преговараат со Двајт Хауард од Меџик.Според последните гласини во трејдот се вклучени и Кливленд Кавалирси, но нема да зборуваме за тоа бидејќи овие шпекулации се менуваат секој ден.

Џејмисон кариерата ја започна во 1998 година во дресот на Голден Стејт Вориорс.Играше уште за Далас, Вашингтон и Кливленд, а минатата сезона и покрај 35те години бележеше импресивни бројки од 17,2 поени и 6,3 скока по натпревар.

Tweet