Марк Кјубан мисли дека О.Џ. Мејо ќе биде ѕвезда во Далас. Секако дека мисли.

Written By Dragan on 19.9.12 | 15:54

Марк Кјубан е еден од најспецифичните сопственици на било кој тим во НБА лигата. Покрај тоа што е сопственик и што вложи доста пари за да го направи тимот конкурентен на теренот, Кјбуан е и голем фан на Далас Маверикс. Тој седи веднаш покрај теренот и го гледа секој нивни натпревар.

Кјубан неможеше ова да го рече за Двајт Хауард или Дерон Вилијамс, бидејќи воопшто не ни ги донесе во Далас, но сега има шанса тоа да го каже за О.Џ. Мејо ... да каже дека тој ќе биде новата ѕвезда во Далас Маверикс.

“Мислам дека О.Џ. Мејо има доволен талент и потенцијал за да стане ѕвезда во овој тим, па и во лигата. Ова сепак е негова "се или нипто", па ќе мора да се покаже во целосно светло. Се надевам дека и тренерот Рик Карлајл ќе му ја даде таа шанса.“ - изјавил Марк Кјубан.

Во Мемфис немаше навистина голема шанса да се докаже, бидејќи офанзивата на Гризлис одеше преку Марк Гасол и Зек Рендолф во нискиот пост, или преку Руди Геј на периметарот.

Сега, во Далас Маверикс има шанса да остане преродбеник во тимот. Дирк Новицки е сеуште опција број 1 во Мавс, но од тоа не зависи играта на О.Џ. Мејо. Останува да видиме ...