Кјубан не верува во Лејкерси

Контроверзниот сопственик на Далас Маверикс Марк Кјубан, продолжува да зборува за медиумите, а сега зборуваше за засилените ЛА Лејкерси. Да потестите, во клубот на езерџиите пристигнаа Стив Неш, Двајт Хауард и Ентоан Џејмисон.

“Лејкерси правеа одлични работи и порано. Ги имаа Гери Пејтон, Карл Малоун, Коби и Шек во ист тим, па тоа не функционираше. Потребно е нешто повеќе од самото име. Потребно е сите да сакаат да играат за тимот. Не знам дали сите играчи сакаат да бидат таму.“ - вели Кјубан за американските медиуми.

Сопственикот на Далас вели дека засилувањата не гарантираат секогаш добра игра.

“Внимавајте, тие имаат одлична екипа. Но, се сеќавам кога налетаа на нас. Не се очекуваше дека ќе ги победиме. Имаа поддршка и беа актуелни шампиони, а тогаш ние ги исчистивме. Многу тимови прават одлична работа преку летото, но никогаш не се знае.“ - заклучува Кјубан.

Tweet