Аринас кариерата ја продолжува во Кина

Трократниот Ол Стар играч Џилберт Аринас (30) е блиску до потпишување на договор со кинескиот клуб “Guangdong Southern Tigers“ известува “Yahoo!Sports“.

Аринас е 11-годишен НБА ветеран кој во текот на кариерата има просек од 20.7 поени, 5.3 асистении и 3.8 скока ко натпревар. Последните години го мачеа повредите на коленото и така минатата сезона ја помина во Мемфис каде имаше просек од 4.2 поени, 1.1 скок и 1.1 асистенција во 17 настапи.

Во текот на кариерата ги бранеше боите на Голден Стејт, Вашингтон, Орландо и споменатиот Мемфис. Освен ова Аринас е познат по тоа што во поголемиот дел од сезоната 2009/10 беше суспендиран поради внесување оружје во соблекувалната на Визардси.

Tweet