Успешно деби на Ди Ентони, Никси убедливи

Изминатата вечер се одиграни 3 натпревари во НБА лигата, а победи остварија Л.А Лејкерси, Њу Јорк Никси и Филаделфија Севенти Сиксерс.

Мајк Ди Ентони со победа ја почна својата ера во Лејкерси, по што “Езерџиите“ ги совладаа Бруклин Нетси со 95-90, за петта победа откако замина Мајк Браун. Коби Брајант даде 25 поени, додека Хауард имаше 23 поени и 15 скока. Сјајен беше Пау Гасол со 17 поени, 11 скока и 7 асистенции. Најдобар кај Нетси беше Дерон Вилијамс со 22 поени и 10 асистенции, додека 23 поени и 7 скока имаше Брук Лопез.

До 8ма победа во сезонава стигнаа и Никси кој со 102-80 славеја против Хорнетси. Најдобар беше Кармело Ентони со 29 поени, 6 скока и 4 асистенции, а по 15 поени додадоја Рејмонд Фелтон и Џ.Р Смит. Хорнетси беа предводени од Рајан Андерсон со 15 поени и 8 скока, 14 даде Остин Риверс, а 13 Брајан Робертс.

Филаделфија Севенти Сиксерси стигнаа до 3тата победа по ред, а истата ја остварија против Торонто со 106-98. Сиксерси беа предводени од Ник Јанг кој имаше 24 поени, а 21 поен даде Џејсон Ричардсон. Сјајно одигра и Џру Холидеј кој беше само на два чекори од трипл-дабл учинок, имаше 19 поени, 12 асистенции и 8 скока. Најефикасен во редовите на Репторси беше ДеМар ДеРозан со 24 поени, а 22 поени и 7 скока имаше Андреа Барњани, додека Жозе Калдерон имаше 13 поени и 12 асистенции.

Денешни резултати :

Филаделфија Севенти Сиксерс 106-98 Торонто Репторс

Њу Орлеанс Хорнетс 80-102 Њу Јорк Никс

Л.А Лејкерс 95-90 Бруклин Нетс

Tweet