Рондо суспендиран два меча

Поради инцидентот кој го направи против Бруклин, плејмејкерот на Бостон Селтикс Ражон Рондо паузира два натпревари.

Кавгата која ја започна во дуелот со Бруклин, ќе го чини два натпревари неиграње, а ќе го остави и без плата во тој период (околу 200.000 долари). Сјајниот, но пргав плејмејкер на Селтикси поради нападот над Крис Хамфрис ќе ги пропушти дуелите со Портланд и Милвоки.

“Само ги бранев соиграчите, не започнав никаква тепачка. Не сум силеџија, само сметав дека фаулот од Крис Хамфрис над Кевин (Гарнет) беше неспортски.“ - се правда Рондо, додека од Бостон порачаа дека нема да се жалат за оваа одлука.

Интересн е податокот дека ова за Рондо е трета суспензија во последните девет месеци. Во фебруари е казнет исто со два меча, по што со топка го погоди судијата против Детроит, потоа доби и меч забрана во април, на натпреварот против Атланта, кога повторно имаше проблеми со судиите.

Покрај Рондо, казнети се Кевин Гарнет и Џералд Валас кој имаа свој мини дуел. Гарнет ќе плати 25.000 илјади долари додека Валас нешто повеќе, 35.000 илјади долари.

Tweet