Дерек Фишер сеуште не завршил, својата кариера ја продолжува во Далас

Иако има 38 години,искусниот кошаркар Дерек Фишер сеуште има намера да ја продолжи својата долга и богата НБА кариера. Нова дестинација е Далас

“Ќе потпишеме со Фишер оваа недела. Тој е играч кој дефинитивно може да ни помогне. На Дарен Колисон му треба вистинска замена на неговата позиција, а Фишер е идеален за тоа место“  - изјави тренерот на Далас Рик Карлисл по поразот во среда навечер од Чикаго.

Не одамна Далас имаше еден легендарен организатор на играта (Џејсон Кид), а одсега очигледно ќе има нова таква ѕвезда. Да се потсетиме дека Фишер минатата сезона ја завши играјќи за Оклахома Сити и тој настапи во големото НБА финале против Мајами. Притоа ги одигра сите 20 натпревари во плеј-офот во дресот на Оклахома.

Тој во лигата има поминато вкупно 16 сезони, а неговите најдобри денови се далеку кои се врзани за ЛА Лејкерс со кои успеа да освои пет шампионски прстени.

Tweet