Гризлиси бркаат победа против Никс, Лејкерси ги пречекуваат Санси

Вечерва не очекуваат 9 интересни натпревари кој ќе се одиграат во таканаречениот “NBA Friday“.

Индијана Пејсерс 01:00 Далас Маверикс

Индијана е можеби најголемото разочарување во текот на сезоната. Делува криза во тимот и поради неиграњето на Дени Грејнџер тимот изгледа нестабилно, но останувањето во игра е и тоа како квалитетно. Дејвид Вест, Рој Хиберт и Пол Џорџ се играчите кој треба да го водат тимот во моменти кога владее криза како оваа. Далас играат навистина добро и без Дирк Новицки и интересно е дека тој се враќа вечерва. Минатиот натпревар Далас славеше кај Вашингтон, а најдобар беше О.Џ Мејо со 24 поени. Дарен Колисон вечерва за прв пат ќе ги пресмета силите со својот бивш тим.

Мемфис Гризлис 03:30 Њу Јорк Никс

Најдобриот двобој вечерва ќе се одигра токму помеѓу водечката екипа на Западот и водечката екипа на Истокот, помеѓу Мемфис Гризлис и Њу Јорк Никс. Гризлиси имаат навистина тешка недела, но успеаа да одговорат на сите барања од противниците. Прво го совладаа Мајами со +18, а потоа и Оклахома Сити Тандер со +10 поени. Тимот игра одлично,а често некој играч се појавува од втор план. Руди Геј постигна 28 поени против Оклахома, а исто така и Зек Рендолф имаше дабл-дабл, 20 поени и 11 скока. Никси се моментално екипа во “залет“ која не знае за пораз, а вистинскиот тест го имаа против С.А Спарси кога победија со резултат од 104-100. Оваа победа им е најзначајна бидејќи им е остварени против најјакиот противник, но и затоа што Кармело постигна само 9 поени. Екипата ја влечеја Рејмонд Фелтон со 25 поени, додека од клупата стандарден беше Џ.Р Смит со 17 поени.

Л.А Лејкерс 04:30 Феникс Санс

Иако Мајк Ди Ентони сеуште не е седнат на клупата на Лејкерси, тие изгледаат некако поуверливо од почетокот на сезоната. Коби Брајант ги зема работите под контрола додека го нема Стив Неш, и прави се повеќе и повеќе асистенции. Победите на Л.А Лејкерси оваа сезона беа сите на домашен терен, а победа во гости не успеаа да земат против Спарси кога резултатот беше 84-82 кога Дени Грин даде тројка на 9.3 секунди до крајот. Денес сепак играат против тим кој игра добро, но и против тим против кој Коби Брајант има 42 поени просек во последните три натпревари дома.

Санси играат лоша одбрана, примаат доста поени, дури 108.6 во последните 7 натпревари. Нивнатата тактика со брзи контри и транзиција е да се дадат повеќе поени, со послаба одбрана. Во деновите кога овде играа Стив Неш и Амар’е Стадемаер таквиот систем ги носеше во плејофот, но со моменталниот ростер не. Нивни главни играчи се Горан Драгиќ и Марчин Гортат кои нивниот учинок ќе им биде пресуден вечерва.

Останати натпревари :