И Лејкерс паѓаат пред Мемфис, тежок пораз за Никс против Рокетс

Заврши уште една интересна и исполнета НБА ноќ, а со новата победа над Лејкерс, Мемфис Гризлис излегуваат на врвот на табелата од НБА лигата.

Мемфис Гризлис 106 - 98 ЛА Лејкерс

Кошаркарите на Мемфис се вратија на врвот на НБА лигата по поедата на домашен терен против Лос Анџелес со конечни 106-98.

На Гризлиз им припадна првата четвртина со 34:18 и успеаја да ја задржат предноста до крајот од натпреварот. Руди Геј постигна 21 поен, Мајк Конли 19 и Зек Рендолф 17, заедно со 12 скокови. Мемфис се први во Западната конференција со 9-2, а Лејкерси го забележија седмиот пораз сезонава. На Лејкерси не им помогнаа ниту 30те поени на Коби Брајант, а Хауард изигра лоша партија во која за 39 минути постигна само 7 поени и 4 скокови.

Хјустон Рокетс 131 - 103 Њу Јорк Никс

Хјустон пред своите навивачи ги совлада Њу Јорк Никс со 131:103. Џејмс Харден постигна 33 поени и 9 асистенции, а Чендлер Парсонс му се приклучи со 31 поен - што му е рекорд во кариерата. Џереми Лин против својот поранешен клуб постигна 13 поени и 7 скока За Никси најефикасен беше Кармело Ентони со 37 поени.

Бостон Селтикс 108 - 100 Оклахома Сити Тандер

Пол Пирс постигна 22 од своите 27 поени во второто полувреме со што Селтикси го избегнаа третиот пораз во низа. Кевин Гарнет постигна 18, Грин 17 поени, а Ражон Рондо им се приклучи со 16 асистенции. За домаќините најефикасни беа Кевин Дурант со 29 и Расел Вестбрук со 26 поени.

Бруклин Нетс 86 - 76 ЛА Клиперс

После 6 победи по ред, Клиперси сега загубија 2 натпревари во низа. Вчера беа поразени во Њу Јорк од Бруклин со 86-76. Гостите на полувреме отидоа со плус 7, но домаќините ја добија третата четвртина со 23:13, а најголемите ѕвезди на Клиперси Крис Пол и Блејк Грифин во третата четвртина не постигнаа ниту еден поен. Најефикасен кај Бруклин беше Брук Лопез со 26 поени.

На останатите натпревари:

Шарлот Бобкетс 91 - 101 Атланта Хокс

Орландо Меџик 108 - 104 Кливленд Кавалирс

Детроит Пистонс 91 - 90 Торонто Репторс

Индијана Пејсерс 97 - 104 Сан Антонио Спарс

Денвер Нагетс 102 - 91 Голден Стејт Вориорс

Јута Џез 104 - 102 Сакраменто Кингс

Феникс Санс 111 (продолжение) 108 Њу Орлеанс Хорнетс

Портланд Треил Блејзерс 103 - 95 Минесота Тимберволвс