Бредли Бил вели дека Визардс ќе стигнат до плејофот

Овогодинешната екипа на Вашингтон Визардс моментално го има најлошиот старт на една сезона во историјата на оваа франшиза. Тие сеуште немаат победа, а одиграа веќе 11 натпревари и во сите тие натпревари беа поразени.

Покрај тоа, дебитантот и талентот на Визардс Бредли Бил, мисли дека Вашингтон може да стигне до плејоф настап оваа сезона.

“Моментално имаме рекорд од 0-11, но имаме уште 71 натпревар во оваа сезона. Ова е долга сезона и мислам дека имаме шанси да се избориме за плејоф пласман. Тоа е нашата цел моментално и итаме кон неа со сите сили. Имам доверба во овој тим и верувам дека сме способни да се избориме за пласман во пост-сезоната.“ - изјави рукито на Визардс Бредли Бил, по поразот на Вашингтон од Шарлот по дури 2 продолженија.

Без разлика на било што, мора да ја почитувате самодовербата на ова младо момче. Теоретски, со 0-11 на почетокот на сезоната немаат никакви шанси, но Визардс имаат среќа што играат во источната конференција, каде што е Мајами Хит - па сите останати тимови. Во источната конференција ќе има многу плејоф места што ќе останат живи дури и до крајот на сезоната.

А и во право е Бил, има уште 71 натпревар до крајот за нив. Да не заборавиме дека на својот ростер Вашингтон го има и Џон Вол, од кого се очекува многу. Сепак, повредата го уназадува и му оневозможи да биде со својот тим на стартот на сезоната, но повторно, има време за кам-бек. Да се надеваме дека Визардс со помош на Вол, Нене и сите останати дебитанти и ветерани ќе се вратат од "мртвите" и дека повторно ќе бидат конкурентни во истокот.