Бајнам и натаму повреден, го мачат двете колена

Центарот на Филаделфија Севенти Сиксерс, Ендру Бајнам се уште не запиша ни минута во новиот клуб, а кога ќе запише, никој не знае. 

Појачањето на Фила од Лејкерси веќе три пати го одложи враќањето на паркетот поради повредата на десното колено која го мачи од минатата сезона. А сега го боли и левото !

По последните контроли на десното колено докторите му ја продолжија паузата на уште месец дена, меѓутоа, поради болките во другииот зглоб потполно е неизвесно кога навивачите на Сиксерс ќе го видат на теренот.

“Ја обновив повредата на левото колено. Моментално работам на тоа да го опоравам десното, а сега имам проблеми и со левото. Не знам шо се случува. Докторите велат дека ми е ослабната ’рскавицата, и дека треба време да се ојача. Не ми преостанува ништо друго освен да чекам. Неверојатно. Иста работа ми се случува и со другото колено.“ - вели Бајнам и додаде :

“Ми се појавува оток додека ги завршувам работите на сабајле.“

Tweet