Харден разочаран од постапките на челниците на Оклахома

Младата ѕвезда на НБА лигата, Џејмс Харден, од почетокот на новата сезона е играч на Хјустон Рокетс, е незадоволен од начинот на кој челниците на неговата бивша екипа, Оклахома Сити Тандер, се однесувале према него во текот на трејдот во Рокетс.

Челниците на Тандер му понудија 54 милиони долари за 4 години, што беше последната понуда од Оклахома за Харден. Имаше две опции да ја прифати оваа понуда на Тандер или да биде разменет во Рокетс, што потоа и се случи. Ја прифати понудата на Хјустон која ќе му донесе 80 милиони долари за 5 години.

“По се што поминавме - ми давате само еден саат време ?“ - вака го изјаснува незадоволството Харден на новинарите на “Yahoo!Sports“. “Тоа беше една од најголемите одлуки во мојот живот. Сакав да одам дома и да размислам. Морам да признаам дека многу болеше.“

Секако одма се поставуваше прашањето дали неговата одлука е точна. Харден рече дека ни самиот не знае, т.е дека имал само малку време да размисли, а и дека можеби ќе ја прифател понудата на Тандер. Но, тоа се е зад нас, Харден е нов играч на Рокетси и нема потреба да се враќаме во минатото.

Харден во Хјустон почна фантастично и по 3 натпревари има просек од 35.3 поени, 6.3 скока и 6.3 асистенции. Во Оклахома имаше улога на 6ти човек, а секогаш беше на паркетот во завршницата на дуелите. Сепак на паркетот со Дурант и Вестбрук беше 3 опција, додека сега ќе може да го покаже својот талент. Во Хјустон има улога на лидер и така ќе се огласува бидејќи Хјустон е и “негов“ тим.

“Мојата игра е разновидна. Во средно школо и на факултет бев прв играч во своите екипи, бев лидер. Во Оклахома имав поповлечена улога, на што се согласив бидејќи знаев дека тимот е талентиран и добар. Имаше натпревари кога давав поени, кога асистирав, што и да побараа од мене тоа го правев. Сега се враќам на улогата лидер, оној од кој се очекува да дава поени. И во таа улога ќе бидам добар.“ - се изјасни Харден.

Tweet