Картер :“Би сакал кариерата да ја завршам во Торонто !“

Винс Картер еден од најдобрите забивачи во НБА лигата, ако не и најдобар, денес игра за Далас Маверикс и е далеку од своите најдобри денови во кариерата кога беше страв и трепет за сите противници. Кариерата ја започна во Торонто, а не би имал ништо против да се врати во Канада и да ја заврши кариерата во тимот.

Вечерва Далас Маверикс ги дочекуваат Рапторси и Винс поразговара со локалните медиуми за своите денови во Торонто.

“Кога дојдов, никој не зборуваше овде за мене.“ - се присеќа Винсенити.“Морав прво да се докажам. Таму поминав 6 фантастични години. Ја освоив наградата за руки играч, најдобар забивач, првиот натпревар од плејофот, првата плејоф серија, многу спомени, на кој се сеќавам.“

Во текот на 2004/05 Картер е трејдуван во Њу Џерси Нетс, каде остана 4 години, а потоа играше и за Орландо, Феникс, и сега за Далас. Со полни 36 години е на крајот на својата кариера и не би имал ништо против ако се врати, таму каде што започна.

“Ако ми се прикаже прилика со задоволство би се вратил. Навистина повторно би сакал да играм за Рапторси.“ - заклучува Картер кој е моментално 31 најдобар стрелец на сите времиња и 7 најдобар стрелец од активните играчи.

Tweet