Џералд Валас “удрен по џебот“ поради флопинг

Новото правило за таканаречениот “флопинг“ полека ја полни касата на НБА лигата. Крилниот играч на Бруклин Нетс, Џералд Валас (30) му се придружи на Реџи Еванс и така стана вториот кошаркар во историјата на НБА лигата кој ќе мора да плати казна поради симулирање прекршок.

Дејвид Штерн и тимот го казнија Валас и тој ќе мора да плати 5.000 долари во касата на НБА лигата. Раководството на најсилната кошаркарска лига во светот заклучи дека Валас, чувајќи го ЛеБрон Џејмс на натпреварот кој беше одигран во недела, се обиде да одглуми фаул.

Лидерите на НБА лигата упатија и вербална опомена на ветеранот Чонси Билапс поради симулација и театарски пад после скок со еден играч од Јута Џез во кој немаше контакт.

Tweet