Карим Абдул Џабар :“Коби може да биде најдобриот на сите времиња“

Најдобриот стрелец на сите времиња и бившиот центар на Лејкерси е воудушевен од “Црната Мамба“.

Успехот на Коби кој вчера во натпреварот со Хорнетс го даде својот 30.000 поен во кариерата, не го остави рамнодушен ниту легендарниот центар на Лејкерси, Карим Абдул - Џабар, кој имаше само пофални зборови за овој рекорд.

Коби Брајант (34) влезе во најелитното друштво на НБА лигата. Надминувајќи ја границата од +30.000 поени суперѕвездата на Лејкерси им се придружи на легендите - Карим Абдул - Џабар (38387), Карл Малоун (36928), Мајкл Џордан (32292) и Вилт Чемберлејн (31419).

Да биде работата поголема, Коби како најмлад дојде до овој подвиг. Вистина, на лигата дојде на 18 поени, и ја игра својата 17та сезона, за овој успех му беа потребни најмногу натпревари - 1179. На Малоун му требаа 1152, Џабар 1010, а на Џордан и на Вилт им требаа помалку од 1000, 960 односно Вилт 941.

“Мислам дека Коби има навистина добра можност да стане најдобар на сите времиња. Има неверојатен шут, тоа му е предноста во однос на мене. Воудушевен сум како игра. Тој може да го погоди кошот од било која позиција.“ - вели Џабар и додава :

“Коби е таков тип на играч кој е опасен кога ќе ја помине половината. Одма може да погоди. Прави огромен притисок, тоа е причината за успешноста. Навистина е неверојатен.“ - се изјаснува Џабар.

“Лејкерси мораат да научат да се однесуваат како тим, тоа е предуслов да имаат добри резултати. Мораат да бидат снажен колектив, а не група поединци кој се борат само за рекорди.“ - завршува Карим кој неодамна добри своја статуа пред Стејплс Центарот.

Tweet