Селтикси го трејдуваат Пирс?

Бостон Селтикси сепак се спремни да се откажат од легендата на клубот Пол Пирс за да го подмладат тимот за во иднина.

Селтикси започнаа преговори со Никси, Лејкерси и Репторси во врска со потенцијален трејд на Пирс за Амаре Стадемаер, Пау Гасол или Андреа Барњани.

Иако Пирс и натаму е прв стрелец на тимот со 19.6 поени, ГМ на Селтикси Дени Ејнџ смета дека МВП-то од финалето од 2008 година не може да го предводи тимот до нова титула.

Американските медиуми шпекулираат дека Селтикси ги отпуштиле Џарвис Варанда и Крис Џозев за да ослободат место за трејд. Селтикси очекуваат за Пирс да добијат добра понуда, бидејќи и покрај неговата одлична статистика тој следната сезона би требало да заработи $15.3 милиони долари.

Доколку Ејнџ остане при својата замисла, наскоро, а сигурно на лето, можеме да очекуваме дефинитивен крај на онаа поранешна Голема Тројка на Селтикси во која Реј Ален си замина, а би можеле да си заминат и Кевин Гарнет и Пол Пирс.

Tweet