Гарнет: “Во Бостон до крајот на кариерата!“

Крилниот центар на Бостон, Кевин Гарнет по победата на Лејкерс (116-95) стана дури 16. играч во историјата на НБА лигата кој постигнал повеќе од 25.000 поени, а после мечот рече дека нема намера да замине од Масачутетс.

Во последно време во медиумите се појавија информации дека искусниот кошаркар би можел да го напушти Бостон, што Гарнет одлучно го демантираше ова и даде до знаење дека до крајот на кариерата ќе го носи дресот на “Келтите“.

“Сакам да кажам дека сум задоволен во Бостон. Не знам кој се тие извори и кој пишува идиотски статии за трејдот во Денвер или така нешто. Во мојата крв тече зелената боја и така ќе продолжи да биде. Јас ќе ја завршам кариерата во Селтикси. Само сакав тоа сите да го знаат“,

рече Кеј Џи.

Tweet