Нетси се обидуваат да го трејдуваат Блеч

Според информациите на Фокс телевизијата, Бруклин Нетс го ставија и името на Ендру Блеч на трејд листата. Во замена за искусниот крилен центар Нетси сакаат идни драфт пикови, а како најзаинтересиран тим за овој играч се Портланд Треилблејзерс.

Тимот од Орегон се најспремни да се откажат од пикот од наредната година и во своите редови да доведат покорисен играч моментално. Исто така добро за Портланд е и тоа што доста добриот Блеч има минимален ветерански договор така да Блејзерси нема да изгубат многу пари.

Ендру Блеч во текот на оваа сезона бележи по 10.7 поени и 5.6 скокови по наптревар и тоа за само 19 минути поминати на паркетот. Пред еден месец тој беше осомничен за силување во еден хотел во Филаделфија, но беше ослободен после изјавата на девојката што го пријавила, признала дека немала сексуални односи со него.

26-годишниот Блеч би можел да биде играч од голема корист за младиот тим на Портланд во борбата за 8. место во Западната конференција и влез во плејофот.

Tweet