Коби Брајант кон Хауард: “Остани да те научам како се станува шампион“

Како и што најави пред неколку дена, Коби Брајант не го наговараше Двајт Хауард да остане во Лејкерси на последниот разговор помеѓу “Езерџиите“ и Ол Стар центарот пред неговата негова конечна одлука.

Сепак, искусниот Коби, кој експресно се опоравува од тешката повреда, имаше јасна порака кон Хаурад, поради и која се појави на договорениот состанок.

Како што преносува “инсајдерот“ на “Yahoo!Sports“, Адриан Војнаровски, кој е запознат со деталите од состанокот, петкратниот НБА шампион му рекол на Двајт дека ќе го научи како да стане шампион, само доколку останат соиграчи.

“Мора да научиш како се доаѓа до титули, а јас можам да те научам за тоа. Јас знам како се прави шампион, учев од најдобрите. Наместо да играш по свое, доколку останеш ќе слушаш и ќе учиш од мене.“ - му порачал Брајант.

Во меѓувреме, Хауард се повлече во природа, каде наводно му треба мир за да донесе исправна одлука.

Tweet