Рубио се надева дека ќе почне да трча септември

Written By Anonymous on 30.7.12 | 13:49

Следната недела Рики Рубио се враќа во Колорадо за да направи уште еден преглед на повреденото колено.

“Се надевам дека до септември ќе можам да почнам да трчам” – изјави Рубио.

Рубио ја загуби шансата да учествува на летните олимписки игри Лондон 2012 поради повредата на коленото која значеше порано завршување на сезоната уште во март.

“Тешко е да следиш еден натпревар, а да не си дел од него. Се чувствував како да има потреба да дојде некој и да ме зграпчи за да ме задржи, бидејќи во секој момент ми доаѓаше да скокнам на теренот и да пробам да заиграм.”

“Но сепак длабоко во себе имам цел, а тоа е да оздравам 100% и да се осигурам дека ќе бидам доволно фит за да не го повредам тоа колено никогаш повеќе.”