Најдобрите победнички серии во историјата на НБА плеј-офот

Потикнат од неверојатната победничка серија на Сан Антонио Спарс овој плеј-оф, кога во еден момент имаа 10-0, одлучив да напишам колумна за десетте најдобри и најдоминантни плеј-оф сезони на едни од најдобрите тимови во историјата на НБА лигата. Броењето ќе оди по систем од најлошите до најдобрите тимови.Па да почнеме.

10. Сан Антонио Спарс 1998-99 (15-2)

Таа сезона Спарси играа одлично. Оваа беше прва титула од ерата на Данкан и Попович која трае и денес, 13 години подоцна.

Патот до титулата :

Прва рунда : 3-1 против Минесота Тимберволвс
Полуфинале на Запад : 4-0 против Лејкерс
Финале на Западот : 4-2 против Портланд (серијата остана позната по ''Memorial Day Miracle'' натпреварот - според мене еден од најдобрите и најдрагите плејоф натпревари во историјата).
Финале: 4-1 против Никс (Никси денес останаа првите и единствените кои од 8мото место во сезоната стигнале до НБА финалето).

9. ЛА Лејкерс 1981-82 (12-2)

Ако се прашувате зошто бројот на натпреварите е видно помал (12-2) отколку кај погоре споменатите Спарси (15-2), еве ви одговор за тоа.
Во плејофот од секоја конференција се пласираа по 6 екипи, од кој 5. и 6. место играа прва рунда со 3 и 4 пласнираниот тим. Така да првиот и вториот таа година беа ослободени од така наречената прва рунда и го чекаа победникот во полуфиналето од конференцијата - навистина чесно. Сликата која ја гледате одоздола ќе ви даде до знаење како беше состојбата која остана до 1984 година.

Одличен приказ на плејоф форматот на Запдната Конференција.

Лејкерси беа фамозни таа сезона освојувајќи ја титулата не загубувајќи ниту еден натпревар во делот на плејофот пред финалето. Со почетокот на новата сезона Пет Рајли го замени Пол Вестхед - Меџик Џонсон наводно барал заминување на Вестхед поради несогласување околу стилот на игра.Тој потез се покажа како пол погодок - Лејкерси таа година доминатно ја освоиа титулата загубијаќи само 2 натпревари во целиот плејоф.

Пат до титулата :

Полуфинале на Западот : 4-0 против Санси
Финале на Западот : 4-0 против Спарси
Финале : 4-2 против Филаделфија.

8. Милвоки Бакс 1970-71 (12-2)

Уште еден тим кој тогаш требаше да гази низ плејофот, а тогаш се играше и на друг начин, од секоја конференција се пласираа само по 4 тима во плејофот. Тогаш НБА лигата се состоеше од 17 екипи - 8 на Истокот, 9 на Западот, што значи дека првата рунда која постои денес тогаш не ни ја имаше, уште одма се играше Конференциско Полуфинале. Повторно ќе ви ја прикажеме сликата од тогашниот “плејоф ран“ на Бакси предводени од Оскар и Карим.

Слика од плејофот на Западната Конференција - изгледа не вистинито без првата рунда...

Кога Карим Абдул - Џабар (тогашниот Лев Акиндор) му се придужи на Хал Оф Фејмерот Оскар Робертсон, беше јасно дека Милвоки мора да ја освои титулата - и успеаа. До ден денес ова е единствена титула на Бакси, а исто така и скорот од регуларниот дел од сезоната беше спектакуларен - 66-16 и просек од 118 поени по натпревар.

Пат до титулата :

Полуфинале на Западот : 4-1 против Сан Франциско Вориорс
Финале на Западот : 4-1 против Лејкерс
Финале : 4-0 против Балтимор Булетс (до тогаш втора метла во НБА финалињата, до денес ги има само 8)

7. Чикаго Булс 1995-96 (15-3)

Седмото место за еден од најдобрите тимови на сите времиња не изгледа реално, но така е. Булси одиграа фантастичен плејоф и не дозволија да пропадне сезоната “72-10“, но изгубија дури 3 натпревари. Низ целото патување по Истокот изгубија само еден натпревар и тоа од Никси на водство од 3-0, а во финалето Соникси им зедоа 2 победи.

Пат до титулата :

Прва рунда : 3-0 против Мајами
Полуфинале на Истокот : 4-1 против Никс
Финале на Истокот : 4-0 против Орландо Меџик
Финале : 4-2 против Соникс

6. ЛА Лејкерс 1986-87 (15-3)

Лејкерси по испаѓањето од финалето на Западот во 1986 година, целата 86/87 сезона ја изиграа неверојатно. “Showtime“ играта беше на врвот, 65-17 рекорд и 118 поени по натпревар. На Западот беа апсолутни фаворити, а изгубија само еден натпревар во Финалето против Селтикси, кои се мачеа со повредите.

Пат до титулата :

Прва рунда : 3-0 против Нагетс
Полуфинале на Западот : 4-1 против Вориорс
Финале на Западот : 4 - 0 против Соникси
Финале : 4-2 против Селтикс

5. Бостон Селтикс 1985-86 (15-3)

Последната титула за Селтикси која стигна во ерата на Брд по можеби една од најдобрите сезони со рекорд од 67-15, а Бирд трет пат се закити со наградата МВП на сезоната. Незапирливата тројка Бирд-МекЕјл-Периш со бековите Џонсон-Ејнџ и најдобриот 6ти играч Волтон изгледаше толку доминантно што ниту во еден момент не се запрашавме дали титулите се заслужени.

Пат до титулата :
Прва рунда : 3-0 против Булс
Полуфинале на Истокот : 4-1 против Хокс
Финале на Истокот : 4-0 против Милвоки Бакс
Финале : 4-2 против Хјустон Рокетс

4. Детроит Пистонс 1988-89 (15-2)

"Bad Boys" или "Лошите Момци" од Детроит својот врв го доживеаа во сезоната 88/89 кога до титулата изгубија само 2 натпревар и тоа во серијата против Булси во финалето на Истокот. Во регуларната сезона победија 63 натпревари, а бековската линија Томас-Думарс изгледаше толку добро на теренот, натпреварите се решаваа без проблеми, а најако оружје им беше одбраната.

Пат до титулата :

Прва рунда : 3-0 против Селтикс
Полуфинале на Истокот : 4-0 против Милвоки
Финале на Истокот : 4-2 против Булс
Финале : 4-0 против Лејкерс

3.Чикаго Булс 1990/91 (15-2)

Првата титула за Џордан и династијата на Булси која владееше во ’90.''Triangle offense'' конечно проработи, Пипен и Грант се развија во ол-стар играчи, а Џордан беше најдобар. Регуларната сезона им донесе рекорд од 61-21 и статус на фаворити во плејофот - загубија само 2 натпревари низ целиот плејоф Џордан беше фантастичен - бележеше 31 поен, 6 скока и 8 асистенции.

Пат до титулата :

Прва рунда : 3-0 против Њу Јорк Никс

Полуфинале на Истокот : 4-1 против Филаделфија

Финале на Истокот : 4-0 против Детроит Пистонс

Финале : 4-1 против Лејкерси

2. Филаделфија Севенти Сиксерс 1982-83

Сите сме запознати со историјата и тимот на Сиксерси. Фили стигна до првата своја титула губејќи само еден натпревар низ целиот плеј-оф. Овој тим е сигурно еден од најдобрите, доаѓањето на Мозес Мeлоун и неговиот приклучок кон Ирвинг-Чикс-Тони-Џонс значеше само едно: доминација.

Пат до титулата :

Полуфинале на Истокот : 4-0 против Њу Јорк Никс
Финале на Истокот : 4-1 против Бакс
Финале : 4-0 против Лејкерс

1. Лос Анџелес Лејкерс 2000/01 (15-1)

Со доаѓањето на О’Нил во Холивуд, тој започна да ја разбива лигата и дојде почеток на нов миленуим. Развивањето на Коби во совршен играч стана сигурно причина за титулата на Лејкерси и неверојатната победничка серија во историјата на НБА лигата. Со доаѓањето на Фил се зацврсти хемијата во тимот и сите го почитуваа и сакаа, барем за време на неговите три титули со Лејкерс. Иако во регуларната сезона победија само 56 натпревари, плејо-фот за овој тим беше нешто неверојатно. Загубија само еден единствен натпревар и тоа само во финале, а рекордот 15-1 до денес остана најдобар учинок.

Пат до титулата :

Прва рунда : 3-0 против Портланд Траил Блејзерс
Полуфинале на Западот : 4-0 против Сакраменто Кингс
Финале на Западот : 4-0 против Спарси
Финале : 4-1 против Филаделфија