Проработија Лејкерси, Тандер и Хит се намачија

Вчера беа одиграни 8 натпревари од НБА лигата, а убедлива победа забележаа Лејкерс, а исто така и Филаделфија и Шарлот.

Лејкерси го декласираа Далас со 115-89 и најавија подобра сезона, додека Шарлот после две продолженија славеја во Вашингтон, кој сеуште не има победа оваа сезона.

Оклахома Сити со тројките ја сруши Филаделфија, 116-109, Атланта го совлада Клиперси со 104-93, а Мајами едвај Кливленд со 110-108. Чикаго беше подобар од Милвоки со 93-86, Сакраменто ја доби Јута 108-97, а Голден Стејт Минесота со 95-86.

Л.А Лејкерси конечно заиграа како што се очекува од нив и го декласираа Далас. Прв пат после долго време Коби Брајант не беше прво име во нападот, иако ја подели титулата за најдобар стрелец на натпреварот со 19 поени, но клучен беше Ентоан Џејмисон со 19 поени и 15 скока, 19 поени даде Мета Ворлд Пис, додека Двајт Хауард имаше 15 поени, 7 скока и 5 украдени топки, а 13 додаде Пау Гасол. Најефикасен кај Далас беше Винс Картер со 16 поени, 15 додаде Џеј Кровдер, а 13 О.Џ Мејо.

Вашингтон Визардси беа и тоа како блиску до првата победа во сезонава, но сепак беа поразени од Шарлот Бобкетси после две продолженија со 109-106. Визардси го имаа последниот напад за победа, но Мартел Вебстер погоди само едно слободно фрлање, а Џордан Крофорд промаши шут после офанзивниот скок на Крис Синглтон. Потоа Синглтон промаши едно од трите слободни фрлања во последната секунда од првото продолженија, па играно е и второ. Таму последниот напад го имаат Бобкетси каде Кемба Вокер ги даде двете слободни фрлања за 7ма победа оваа сезона.

Бајрон Маленс ги предводеше Бобкетси со 27 поени и 8 скока, 21 поен додаде Рамон Сешнс, додека Кемба Вокер имаше 12 поени, 8 асистенции и 7 скока. Мартел Вебстер даде 21 поен за Визардси, Крис Синглтон имаше 13 поени и 12 скока, сјаен беше Бредли Бил со 13 поени, 10 скока и 5 асистенции.

Едно продолженије е одиграно во Филаделфија каде Оклахома Сити славеше со 116-109. Тандер ги надигра Севенти Сиксерси благодарејќи и на серијата од тројки во продолжението. Кевин Дурант имаше 37 поени, 8 скока, 5 асистенции, 4 украдени топки и 3 блока, додека 30 поени и 9 асистенции додаде Расел Вестбрук. 19 поени и 9 скока имаше Серж Ибака, додека 14 поени додаде Ник Колисон. Сиксерси беа предводени од Тадеус Јанг со 29 поени и 15 скока, додека 26 додаде Еван Тарнер.

Со тројките на Реј Ален Мајами се “извлече“ против Кливленд и славеше со 110-108. ЛеБро Џејмс доминираше против бившиот тим со 30 поени, 6 скока, 5 асистенции, но и 7 изгубени топки, додека Крис Бош даде 23 поени и 7 скока. Двејн Вејд додаде 18 поени и 7 скока, додека Ален имаше 17 поени. Џереми Парго со 16 поени и 7 асистенции ги предводеше Кавси, 16 поени додаде Дион Вејтрес, додека Андерсон Варежо имаше 10 поени, 15 скока и по 4 асистенции и украдени топки.

Атланта Хокси одиграа перфектно во третиот период против Клиперси, каде стекнаа +25 предност, и по крај сјајната игра на ривалот во 4/4 успеаа да слават со 104-93. Во 5тата победа по ред Хокси беа предовдени од Џеф Тиг со 19 поени и 11 асистенции, додка Заза Пачулија додаде 19 поени со 12 скока. 18 додаде и Луи Вилијамс, 17 Џош Смит. Крис Пол имаше 19 поени и 7 асистенции и 7 украдени топки, додека Блејк Грифин имаше 22 поени, 11 скока и 7 асистенции. По 12 поени додадоја Ерик Бледшо и Џамал Крофорд.

Интересно беше Милвоки кој намачу уште еден претендер тим за плејоф - Чикаго Булси едвај славеја со 93-86. Карлос Бузер беше најдобар со 22 поени и 19 скока, 22 поени додаде Рип Хамилтон, додека 14 додаде Луол Ден кој имаше и 8 скока. Кај Бакси најдобар беше Брендон Џенинигс со 23 поени, 7 асистенции и 5 украдени топки, 17 поени и 6 скока додаде Монта Елис, додека 12 додаде Бено Удрих.

Едно од изненадувањата на вечерта го приредија Сакраменто Кингси кој со 108-97 ја совладаа Јута Џез. Брилираше Тајрики Еванс со 27 поени, 5 скока и 5 асистенции, 16 поени и 9 скока имаше Џејсон Томпсон, додека 14 поени и 9 скока имаше ДеМаркус Казнс. Најдобар кај Јута беше Ренди Фој со 17 поени, по 14 постигнаа Ал Џеферсон и Џамал Тинсли кој имаше и 7 асистенции. Пол Милсап имаше 13 поени и 8 скока.

Голден Стејт Вориорс ја совладаа Минесота со 96-85. Клеј Томпсон ги предводеше Вориорс со 24 поени, 20 поени и 6 асистенции имаше Стивен Кари, а 18 поени и 9 скока имаше Карл Лендри. 17 поени и 8 скока додаде Дејвид Ли, а Харисон Барнс имаше 10 поени и 11 асистенции. Барнс исто така имаше и едно топ потезите, забивањето над Никола Пековиќ. Цррногорецот ги предводеше Вулвси со 17 поени и 6 скока, додека Кевин Лав имаше 15 поени и 15 скока. 11 поени и 6 скока додаде и русионот Андреи Кириленко.

Денешни Резултати :