Амаре Стадемаер ќе се врати на паркетот до 25ти декември

Крилниот центар на Њујорк Никс, Амаре Стадемаер сака да се врати на теренот пред католичкиот Божиќ, односно пред 25ти декември.

Целта на  кошаркарот е да се врати на паркетот за три седмици. Имено, некој роднина од Амаре Стадемаер пренел информација дека овој кошаркар тренира со полна пареа, што му е прв пат после 1ви ноември и неговата операција.

Првично е очекувано кошаркарот да заздравува од шест до осум седмици, а според лекарите заздравувањето оди според планот. Доколку Амаре Стадемаер се врати пред 25ти декември, можно е на теренот да се најде во натпреварот со Лос Анџелес Лејкерс кој е на програма за католички Божиќ.

Амаре Стадемаер претходната сезона имаше просек од 17.5 поени и 7.8 скокови по натпревар.

Tweet