Монта Елис би се ставил во иста категорија со Двејн Вејд

Синоќа Милвоки извојува победа на домашен терен против шампионот Мајами Хит, ноќ во која Елис одигра одличен натпревар со 14 поени, 9 асистенции и 5 украдени топки. 

Монта шутираше многу. Да бидеме попрецизни, Елис кон противничкиот кош упати 18 шута, а погоди само 6. Но тоа е работата што Елис треба да ја работи за Бакс. Тој е бек кој постигнува поени. 

Но, во едно интервју пред натпреварот со Мајами, Монта Елис изјави дека се што има Двејн Вејд има и тој. Поточно, Елис би се ставил во иста категорија со ѕевздата на Мајами, Двејн Вејд.

“Единственото нешто што Вејд има повеќе од мене се 2 шампионски титули и многу повеќе победи.“ - вели Елис.

“Но кога зборуваме за играње кошарка, натпреварување секоја ноќ, на двата краја на теренот, мислам дека имаме слични способности.“ - додаде Монта Елис.

Останува на вас да процените дали овие играчи имаат сличности, се во иста категорија или попрецизно кој е подобар играч на теренот. Секако, реномето и искуството оди кај Двејн Вејд, но може да се каже дека Елис ги има способностите да му се спротивстави на Вејд. 

Tweet