Спарси слават во дербито на Западот, Мајами подобри од Нетси

Сан Антонио со комплетен тим после продолжението ги совлада Гризлис. Мајами беше подобар од Бруклин, Николас Батум со тројка на 0.2 секунди пред крајот на второто продолжене им донесе триумф на Блејзерси.

Дербито на Западната конференција го играа Сан Антонио и Мемфис, а после големата борба и продолжението, Спарси пред своите навивачи сепак стигнаа до труимф - 99-95. Гостите од Мемфис лесно прокоцкаа 14 поени предност кој гии имаа на само 9 минути до крајот. Спарси со тројките на Мет Бонер, Гери Нил и Ману Џинобили се вратија во живот и изборија продолжение.

Во продолжението, сјаен беше Тони Паркер, даде 8 поени, па така “Мамузите“ запишаа вреден триумф против лидерот. Паркер мечот го заврши со 30 поени, Тим Данкан имаше 27 поени и 15 скока. Тренерот Грег Попович беше задоволен после мечот, но не посвети време коментирајќи ја казната од 250.000 долари која им ја напиша Дејвид Штер, поради одмарањето на главните ѕвезди против Мајами.

“Разочаран сум со таа одлука, сеуште не знам дали ќе се жалиме, но сигурно ова значи дека во иднина не треба да се одмараат играчите. Јас ја работам својата работа и донесувам одлуки од тренерска перспектива, а лигата носи одлуки од работна перспектива.“ - објаснува стручњакот.

Серијата на Бруклин од пет победи е прекината на Флорида, каде Мајами им покажа на Нетси зошто се актуеплни шампиони. Хит славеше со 102-89 и така се проби на чело на Источната конференција. Нетси добро се држеа, во третиот период имаа и предност од 73-95. Сепак, Хит до крајот направи фуриозна серија од 10-0 и 15-2, и после се беше јасно. Двејн Вејд ги водеше домаќините со 34 поени и 7 асистенции, ЛеБрон Џејмс додаде 21 поен, 9 скока и 6 асистенции. Во тимот на Бруклин се истакна Ендру Блеч со 20 поени и 8 скока, 13 даде Џералд Валас, додека Дерон Вилијамс имаше 10 поени и 12 асистенции.

Милвоки дома беше подобар од Бостон со 91-88. Селтикси одлично играа во првата четвртина, каде поведоја со 17-0, а потоа примија дури 36 поени во втората четвртина. До крајот на мечот кошарката беше неизвесна, Келтите имаа 88-85 на минута пред крајот, но со домашната серија од 6-0, Бакси го свртеа мечот во своја корист. Пол Пирс и Џејсон Тери ги промашија тројките кој би можеле да им донесат продолжение. Лери Сандерс повторно играше одлично со 18 поени, 16 скока и 5 блока, додека Елис даде 17. На другата страна Пирс броеше до 19 поени, Кевин Гарнет имаше 17, додека Џејсон Тери имаше 15 поени и 11 асистенции.

Највозбудливиот меч е игран во Кливленд, каде домашните после две продолженија паднаа против Портланд со 118-117. Блејзерси во финишот од регуларниот дел од мечот имаа шутеви за победа, но Демиен Лилард во два наврати беше непрецизен. Кога се чинеше дека ќе дојде казна за промашувањата, Кавси во второто продолжение на две секунди до крајот водеа со 117-115, а работите во свои раце ги презеде Никлас Батум. Французинот кој во првото продолжение погоди во финишот, но после и со звукот на сирената, овој пат на истекот на времето од аголот испрати бомба која им ги запре срцата на навивачите.

Батум на крајот имаше 22 поени, додека Лилард 24 поени и 11 асистенции. Кај Кливленд Алонзо Џи даде 22, Андерсон Варежи го запиша 8миот дабл-дабл учнок по ред со 19 поени и 17 скока.

Оклахома стигна до петтата победа по ред и тоа на гостувањето во Њу Орлеанс со 100-79. Тандерси не се мачеа премногу, рамномерно ги распоредија поените - Кевин Дурент 20, Кевин Мартин 19 и Расел Вестбрук 18. Кај Хорнетси лидер беше Рајан Андерсон со 21 поени и 10 скока..

Шутерскиот меч помеѓу Хјустон и Јута им припадна на домаќините со 124-116. Треба да се напомене дека дури 7 играчи на Рокетс имаа +10 поени. Најдобар беше Патрик Патерсон со 20 поени, по 19 дадоја Чендлер Персонс и Џереми Лин, 18 додаде Харден. Кај Јута најдобар беше Гордон Хејвуд со 21 поен, Ал Џеферсон и Ренди Фој додадоја по 20.

Денешни резултати :

Мајами Хит 102-89 Бруклин Нетс

Кливленд Кавалирс 117-118 Портланд Траил Блејзерс

Чикаго Булс 93-88 Филаделфија Севенти Сиксерс

Њу Орлеанс Хорнетс 79-100 Оклахома Сити Тандер

Хјустон Рокетс 124-116 Јута Џез

Милвоки Бакс 91-88 Бостон Селтикс

С.А Спарс 99-95 Мемфис Гризлис

Далас Маверикс 92-77 Детроит Пистонс

Л.А Клиперс 116-81 Сакраменто Кингс

Голден Стејт Вориорс 102-93 Индијана Пејсерс