Лин со победа си оди од Њу Јорк, Оклахома славеше над Сан Антонио

Во НБА лигата веќе нема непоразени тимови на своите паркети. Вчера падна и последната екипа која беше непоразена на домашен паркет. Паднаа Никси.

Њу Јорк Никси, за кој најдобриот играч Кармело Ентони не играше поради повредата на стапалото, беа поразени дома со 109-96 од Хјустон Рокетс. Иронично, еден од двајцата играчи кој ги предводеа Рокетси до победа беше и Џереми Лин, “довчерашниот“ играч на Никси.

Да потсетиме токму дека, “бајката“ на Лин започна токму во “MSG“ Гарденот каде со сплетни околности беше вметнат во тимот, му се даде шанса, а тој максимално ја искористи. Стана икона на Њу Јорк, а неговиот тренд беше наречен “Линсенити“.

Лин натпреварот го заврши со 22 поени, 4 скока и 8 асистенции, Џејмс Харден додаде 28 поени и 10 скока. Кај шутерските не толку расположени Никси, замената на Ентони, Крис Коупленд оствари учинок на кариерата. “Рукито“ за 28 минути даде 29 поени и имаше 5 скока.

На грбот на Серџ Ибака беше предводен тимот на Тандер кој ја запиша 11тата победа по ред и тоа против Сан Антонио Спарс. Ибака даде 25 поени, запиша 17 скока и 3 блока во победата од 107-93. Кевин Дурант додаде “скромни“ 19 поени, додека Расел Вестбрук додаде 22 поени и 9 асистенции.

Кај Спарси ни еден играч не стигна блиску до бројката 20 поени кога се прашање поени, а по 14 имаа двајцата Французи - Тони Паркер и Нандо Де Коло.

Да споменеме дека до низа од 10 победи стигнаа и Л.А Клиперс, кој победија на гости кај Пистонс со 88-76.

Останати Резултати :

Орландо 102-93 Минесота

Мемфис 80-71 Чикаго

Феникс 101-90 Сакраменто