И Ирвинг се враќа вечерва во тимот

Навивачите на Кливленд Кавалирс можат да воздивнат бидејќи вечерва на паркетот треба да се врати нивниот најдобар играч оваа сезона, Кајри Ирвинг. Како што веќе напишавме пред малку, во игра по повредата се враќа и Ентони Дејвис за Хорнетси. 

Ирвинг повредата на прстот ја здоби пред 20 дена и тогаш процените беа дека ќе паузира околу месец дена. Вчера без проблеми обработи цел тренинг со тимот и се очекува вечера ва биде во истиот за натпреварот со Лејкерс.

Во 11 пропуштени натпревари на Ирвинг, Кавси запишаа само 2 победи, а ги имаат вкупно 4 сезонава во 21 натпревар. Со враќањето на Ирвинг ќе се подобри напаѓачката игра, но Кливленд ќе остане на дното на Истокот и веројатно таму ќе се задржи целата сезона.

Во текот на 10 натпревари кој ги изигра оваа сезона, Ирвинг имаше 22.9 поени, 5.6 асистенции и 3.7 скока по натпревар.

Tweet