Мело ги водеше Никси до триумф над Санси

Тимот од Медисон Сквер Гарден лесно го извлече крајот со Санси.

Тимот на Никси ги совлада вечерва Санси на свој паркет со резултат од 106-99. Најдобар поединец беше Кармело Ентони со 34 поени.

Њу Јорк продолжи со добрите партии, вечерва го надиграа Феникс во Медисон. Тимот на Вудсон стигна до 12тата победа во сезоната благодарејќи на одличното издание на Мело. Одличното ниско крило на Никси правеше што сакаше без потешкотии.

Покрај 34 поени додаде и 6 скока. Го следеше и сјајниот Рејмонд Фелтон со 23 поени и 7 асистенции. Голема помош од клупата додаде и Стив Новак кој имаше 12 поени. На висина на задачата беше и Тајсон Чендлер кој имаше дабл-дабл со 15 поени и 12 скока.

Интересен детал се случи во првото полувреме кога еден оштар фаул од Рашид Валас беше сметан како техничка грешка. По тоа популарниот Шид додаде “Топката не лаже“, а арбитрите немаа разбирање за него, па го исклучија од игра.

Во таборот на Санси најдобар беше Марчин Гортат со 18 поени и 10 скока, Шенон Браун го следеше со 17 поени и 7 скока. Сепак тоа не беше доволно за победа на Санси во Њу Јорк. Повеќе од тоа не можеа.

Tweet