Лејкерси одржаа итен состанок и заклучија: Распаѓање на системот

Пред наптреварот со Мемфис екипата од Лос Анџелес одржала тимски состанок како би се решиле проблемите што ги има во играта на Лејкерс. На состанокот збореле сите играчи и тренерот ДиАнтони пробувајќи да сватат што точно се случува и која е причината за срамните резултати. 

“Се надевам дека овој состанок ќе биде добар за тимот. Тоа беше и причината за нашиот разговор, сакаме да тргнеме напред и се надевам дека ова беше првиот чекор. Моментално сме на дното и време е да станеме и да играме како што можеме. На сите ни е јасно дека нешто не е во ред, па затоа сакав да поразговарам со играчите да ги прашам што ги мачи и да ги решиме сите проблеми“ - изјави тренерот на Лејкерс Мајк ДиАнтони.

Хауард пак изјави - “Во никој случај не ми смета да играм со Коби во ист тим. Во иднина мораме да играме многу подобро и што е најважно да играме заедно“.

Неш пак за овој состанок изјави - “Мислам дека е добро што ја имавме оваа прилика да се погледнеме во очи и да поразговараме за се. За жал, вечерва пак изгубивме и останавме без Двајт, но верувам дека овој разговор ќе ни помогне“.

“Ги прашав момците: Дали некогаш сте гледале Ол - Стар наптревар? Јас да. Тоа е ужасен кошаркарски перформанс. И тоа само што сите играчи на теренот сакаат да ја добијат топката и сите сакаат да се покажат во 1 на 1 играта. Одбраната ја нема. А тоа е и сликата на нашиот тим. Ние сме Ол - Стар тим без никаков ред. Имаме еден играч кој сака да е прв, имаме двајца, четворица...“ - изјави ДиАнтони.

Тимот од градот на Ангелите е во огромна криза во моментов. Лејкерси моментално имаат скор од 17 победи и 25 порази и се наоѓаат на 12 место во Западната конференција.

Tweet