Крај на сезоната за Рондо, Бостон во тежок проблем

Плејмејкерот на Бостон Селтикс Ражон Рондо не само што не излезе на паркетот против Мајами, во кој Бостон победи, туку овој играч ќе го пропушти остатокот од сезоната поради тешка повреда на коленото која ја здоби на натпреварот со Атланта.

Имено, како што велат докторските прегледи на основа на рендгенската снимка на Рондо тој по секоја прилика ќе мора да биде опериран. Датумот на операција сеуште не е одреден и не е јасно колку ќе трае комплетната рехабилитација, но, според најавите на докторите, овој играч нема да се враќа на теренот до крајот на сезоната.

Сјајниот Ражон Рондо кој во текот на оваа сезона постигнува по 13.7 поени, дели по 11.1 асистенции (прв во НБА) и фаќа по 5.6 скока. Рондо се обиде да одработи тренинг со тимот, но не беше во состојба.

Дури кога отиде во болницата Њу Енгланд Баптист каде лекарите му открија дека му настрадале лигаментите и дека состојбата ќе му биде полоша ако не се оперира, јасно беше дека Рондо ќе отсуствува. Секако, ова инфо претставува голем хендикеп за Риверс и тимот.

Tweet