НБА лигашите во ретро фазон

Седум НБА клубови оваа сезона ќе ги носат ретро дресови од ’90тите години на минатиот век. Дресовите ги направи спортската компанија “Адидас“. Тимот на Феникс Санс веќе изигра во своите легендарни црни дресови во кој се прославија легенди како Чарлс Баркли и Кевин Џонсон.

Четири тимови вечерва за прв пат ќе ги носат носталгичните униформи: Бакси ќе играат во своите таканаречени “Full Back“ дресови, додека пак Булси ќе ги носат црните дресови со црвени ленти кој ги носеа во шампионската сезона 1995-96.

Пејсерси ќе се “вратат“ во некои минати времиња во нивните “класични“ дресови, додека Мајами ќе ги носи така наречените “Deep Red“ дресови. Покрај наведените клубови, и Хокси и Кингси се решија околу себе да го вратат минатото. Тие своите ретро дресови ќе ги носат поксано, овој месец.

“Овие класични дресови кои ги направи Адидас се мал шлаг на тортата во НБА. Моментот кога кај навивачите ќе се побуди носталгијата за некои минати времиња. Се надевам дека навивачите ќе уживаат во моментите додека нивните омилени играчи од сегашноста ќе играат во дресовите во кој се прославиле нивните херои од минатото“,

вели Лоренс Норман, потпретседателот на Адидас задолжен за кошаркарска облека.

Tweet