Мајкл Кид Гилкрист: “Изгубив од Џордан еден на еден“

И покрај 50те години кои ги има на својот грб Мајкл Џордан и натаму одлично игра кошарка. Така тврди крилниот играч на Бобкетси кој вчера пред почетокот на “Rising Stars Challenge“-от рече дека изгубил 1 на 1 натпревар од летечкиот Мајкл.

Вториот пик од драфтот од 2012. година призна дека му било необично тешко што изгубил од еден 50-годишен човек, но од друга страна го тешел фактот дека работи со еден од најдобрите, ако не и најдобриот играч на сите времиња.

“Ми беше тешко. Изгубив. Изгубив од 50-годишен човек...Но, тој е најголемиот играч кој ја играл оваа игра. И сеуште е добар“,

призна во разговорот за “USA Today“ 20-годишниот Кид Гилкрист. Бившиот студент на универзитетот Кентаки додаде дека ниту во еден момент не му попуштал на 30 години постариот шеф.

“Не. Не му попуштав. Мислите дека ако ми е шеф ќе му попуштам? Нема шанси.“

вели рукито на Бобкетс кој во својата прва НБА сезона бележи 9.1 поен и 5.7 скока.

Tweet