Двајт Хауард му се заканува на Дејвид Ли

Играта на Л.А Лејкерс во вчерашниот меч против Голден Стејт Вориорс може да се види низ настапот на Двајт Хауард. Центарот на “Езерџиите“ даде 11 поени, а тоа што треба да ги загрижува сите навивачи на Лејкерси е тоа што Хауард упати дури 8 шута кон кошот на противникот и само 2 во второто полувреме.

Покрај тоа, Хауард кон крајот на 2/4 од натпреварот претрпе тежок удар во лицето од страна на крилниот центар на домаќините, Дејвид Ли. А работата да биде уште полоша, судиите на тој натпревар ова го карактеризираа како фаул на Двајт Хауард. Изнервиранииот Двајт Хауард имаше што да му каже на Ли, поради што е додатно “награден“ со техничка грешка.

“Ја премина границата со овој лакт. Ќе го замаптам овој потез. Едвај го чекам следниот натпревар“,

се заканува Хауард по натпреварот. Тимот на Мајк ДиАнтони е поразен со резултат од 109-103, а на моменти беше и +20 за “Воините“ од Голден Стејт. Лејкерс сега имаат само една победа пред јута, која опасно се заканува од 9. позиција на Западот, а Далас е се поблиску и поблиску.

Видео:

Tweet