Грег Оден ќе потпише за Мајами Хит

Сагата околу враќањето на Оден, која трае уште од февруари, конечно доби епилог. Првиот пик од драфтот од 2009. година ќе потпише договор со актуелните шампиони, Мајами Хит.

Оден и челниците на Мајами се договорија околу договорот, овој центар ќе потпише ветерански минимален договор вреден 1.4 сезони, а во договорот има и опција за потпишување на уште една сезона.

Одлуката на челниците на Мајами да го ангажираат Оден по многумина е ризична затоа што овој играч последниот НБА натпревар го изигра пред 4 години односно во 2009. година, а потоа се соочи со многу операции, и исто се бореше со алкохолизмот.

Доколку Оден успее да остане здрав и успешно да се врати на паркетот, секако дека ова ќе биде еден од најдобрите “кам-бекови“ во историјата. За овој човек шансата во Мајами е веројатно и последниот воз да успее да направи солидна НБА кариера.

Оден досега изигра 82 натпревари во две сезони во кои просечно бележеше по 9.4 поени и 7.3 скока.

Tweet